កូរ៉េខាងជើងនឹងបង្កើនសមត្ថភាពនុយក្លេអ៊ែរ ទាំងផ្នែកបរិមាណនិងគុណភាពឱ្យបានប្រសើរឡើង។ ជាងនេះទៅទៀត ក្នុងក្របខ័ណ្ឌនៃការធ្វើទំនើបកម្មវិស័យយោធា ព្យុងយ៉ាងនឹងពង្រីកសកម្មភាពចារកិច្ច។ នេះបើតាមសេចក្តីប្រកាសរបស់ទីភ្នាក់ងារសារព័ត៌មានផ្លូវការកូរ៉េខាងជើង KCNA។
Author: ភ្នំពេញប៉ុសិ៍្ត
អាមេរិក និងអ៊ីរ៉ង់វាយប្រហារគ្នា ដោយមិនអនុគ្រោះ លើកលែងឲ្យគ្នា សូម្បីតែថ្ងៃបុណ្យសពរបស់ប្រមុខសាសនាកំពូល អាលី ខាមេណី។ នៅថ្ងៃបញ្ចុះសពរបស់អាយ៉ាតូឡា អាលី ខាមេណី នៅថ្ងៃព្រហស្បតិ៍ទី ៩កក្កដា អាមេរិកនិងអ៊ីរ៉ង់បានវាយប្រហារសងសឹកគ្នាសាជាថ្មី នៅបន្ទាប់ពី កប៉ាល់ដឹកប្រេង៣គ្រឿងរងការវាយប្រហារនៅពេលឆ្លងកាត់ច្រកសមុទ្រអកមូហ្សនៅ សប្តាហ៍នេះ។ បើតាមក្រសួងសុខាភិបាលអ៊ីរ៉ង់ ការវាយប្រហារ២ថ្ងៃរបស់អាមេរិកបានសម្លាប់មនុស្សយ៉ាងហោច ១៧នាក់ និងរបួសជាង៩០នាក់។ កូវ៉ែត បារ៉ែន និងការតាដែលមានមូលដ្ឋានទ័ពរបស់អាមេរិក ក៏បានក្លាយជាផ្ទាំងស៊ីបវាយប្រហារសងសឹករបស់អ៊ីរ៉ង់វិញដែរ។
ប្រធានាធិបតីតួកគី បានធ្វើអំណោយអនុស្សាវរីយ៍ ជាកាំភ្លើងខ្លីនិងគ្រាប់ពិត ទៅដល់បណ្តាមេដឹកនាំប្រទេសសមាជិកអូតង់ និងសហភាពអឺរ៉ុប។ អំណោយកាំភ្លើងខ្លី Revolver (រេវុលវែរ) មួយដើមនេះ បានធ្វើឲ្យគេភ្ញាក់ផ្អើល និងជជីកចោទសួរអំពីគោលបំណងពិតប្រាកដរបស់ប្រមុខរដ្ឋតួកគី ថាតើលោកមានចេតនាអ្វីនៅពីក្រោយ«អំណោយក្តៅក្រហាយ» យ៉ាងដូច្នេះ?
កិច្ចប្រជុំកំពូលអូតង់ បានបិទបញ្ចប់ នៅថ្ងៃពុធទី៨ កក្កដា ក្នុងប្រទេសតួកគី។ ខុសពីឆ្នាំមុនៗ ក្នុងជំនួបកំពូលអូតង់លើកនេះ ប្រធានាធិបតីអាមេរិក លោក ដូណាល់ ត្រាំ មិនសូវបង្ហាញកំហឹងខឹងក្រោធ តែបានសម្តែងស្មារតីសាមគ្គីភាពជាមួយសម្ព័ន្ធមិត្ត។ ទោះយ៉ាងណាក្តី លោក ត្រាំ បន្តរិះគន់អេស្ប៉ាញ និងនៅតែគិតថា កោះហ្ក្រូអិនឡង់ដ៍ មានសារៈសំខាន់ចំពោះអាមេរិក ជាងចំពោះដាណឺម៉ាក។
ប៉ុន្មានសប្តាហ៍ចុងក្រោយនេះ កងទ័ពអ៊ុយក្រែន បានសំរុកវាយប្រហារយ៉ាងខ្លាំង ទៅលើហេដ្ឋារចនាសម្ព័ន្ធថាមពល និងយោធារបស់រុស្ស៊ី។ ដ្រូនអ៊ុយក្រែនបានបង្កការខូចខាតយ៉ាងដំណំ ទៅលើទីតាំងស្តុកនិងចម្រាញ់ប្រេង របស់រុស្ស៊ី ច្រើនកន្លែង។ មិនត្រឹមប៉ុណ្ណោះទេ ដើម្បីកាត់ផ្តាត់តំបន់គ្រីម៉េពីដៃរុស្ស៊ី អ៊ុយក្រែនបានសំរុកវាយប្រហារទៅលើនាវាខ្មោចរបស់រុស្ស៊ីជាច្រើនគ្រឿង ដែលដឹកប្រេងទៅកាន់តំបន់គ្រីម៉េ នៅក្នុងសមុទ្រអាហ្សូវ។
សង្គ្រាមអ៊ីរ៉ង់ ឆាបឆេះជាថ្មី បន្ទាប់ពីស្ងប់ស្ងាត់មួយរយៈ។ ការវាយប្រហារជាច្រើន កើតមានទៅលើអ៊ីរ៉ង់និងប្រទេសជិតខាង ក្រោយពីលោកប្រធានាធិបតីអាមេរិក ដូណាល់ ត្រាំ ប្រកាសបញ្ចប់កិច្ចចរចាជាមួយរដ្ឋអំណាចតេហេរ៉ង់។ នាវាដឹកទំនិញ យ៉ាងតិច ៣ គ្រឿង ត្រូវរងការវាយប្រហារ ហើយមនុស្សជាង ៦ ០០០នាក់ បន្តជាប់គាំងនៅច្រកសមុទ្រអកមូហ្ស។
បទឈប់បាញ់ និងកិច្ចព្រមព្រៀងបឋមរវាងអាមេរិក និងអ៊ីរ៉ង់ កំពុងស្ថិតនៅក្នុងគ្រោះថ្នាក់ត្រូវរលាយរលត់ បន្ទាប់ពីកងទ័ពទាំង២បានចាប់ផ្តើមបាញ់ប្លោងគ្រាប់ វាយប្រហារគ្នាសាជាថ្មី។ ថ្ងៃទី៨កក្កដា នៅទីក្រុងអង់ការ៉ា លោកដូណាល់ ត្រាំ បានបញ្ជាក់ថា សម្រាប់លោកគឺចប់ហើយ លែងមានបទឈប់បាញ់ លែងមានការចរចាអ្វីទាំងអស់ជាមួយអ៊ីរ៉ង់ ព្រោះពួកអ៊ីរ៉ង់ គឺជាពួកល្បិចបោកប្រាស់និងឆ្កួតវិកលចរិក ។
ចិនកំពុងជួបគ្រោះមហន្តរាយធម្មជាតិ។ ជំនន់ទឹកភ្លៀងនៅភាគខាងត្បូងចិន បណ្តាលឲ្យស្លាប់មនុស្សយ៉ាងតិច ១៧ នាក់។ ចំណែក នៅភាគខាងជើង គ្រោះបាក់ដីផ្តាច់ជីវិត ២១នាក់។ នៅមានមនុស្សកំពុងតែបាត់ខ្លួនច្រើននាក់ទៀត។ តុល្យការបឋម អាជ្ញាធរចិន ជម្លៀសមនុស្ស ជាង ១៣០ ០០០នាក់ ដើម្បីរកកន្លែងសុវត្ថិភាព។
បរិយាកាសនយោបាយបារាំង កំពុងប្រែប្រួលយ៉ាងខ្លាំង ខណៈការបោះឆ្នោតប្រធានាធិបតីអាណតិ្តនឹងមកដល់ នៅខែមេសាឆ្នាំ២០២៧។ លោកស្រីម៉ារីន ឡឺពែន អ្នកនយោបាយស្តាំនិយមជ្រុលដ៏មានប្រជាប្រិយភាព ដែលជាប់ចោទក្នុងរឿងយកថវិកាអឺរ៉ុបទៅចំណាយបម្រើផលប្រយោជន៍របស់គណបក្សខ្លួន ត្រូវបានតុលាការឧទ្ធរណ៍ក្រុងប៉ារីស សម្រេចឲ្យជាប់ទោសជាប់ពន្ធនាគារ៣ឆ្នាំ ក្នុងនោះមួយឆ្នាំអាចនៅក្រៅឃុំ តែត្រូវពាក់ខ្សែអេឡិកត្រូនិក។ ដោយឡែក លោកស្រី ម៉ារីន ឡឺពែន អាចឈរឈ្មោះបោះឆ្នោតបាន។
ឥណ្ឌា និង ឥណ្ឌូណេស៊ី យល់ព្រមចុះកិច្ចព្រមព្រៀងទិញ-លក់ប្រព័ន្ធមីស៊ីលបាញ់រយៈចម្ងាយឆ្ងាយ BrahMos។ ព័ត៌មាននេះត្រូវប្រកាសឲ្យដឹង ក្នុងឱកាសដំណើរទស្សនកិច្ចរបស់លោកនាយករដ្ឋមន្ត្រីឥណ្ឌា ណារិនដ្រា ម៉ូឌី ចំនួន ៣ថ្ងៃ ក្នុងប្រទេសឥណ្ឌូណេស៊ី។ ប្រទេសទាំង២ ក៏បានឯកភាពសហការក្នុងវិស័យជាច្រើនទៀត តួយ៉ាង រ៉ែដីកម្រ បច្ចេកវិទ្យា និងការពារជាតិ។