មនុស្សយ៉ាងហោចណាស់ ២៧នាក់បានស្លាប់ និងជាច្រើននាក់ផ្សេងទៀតរងរបួសក្នុងឧបទ្ទេវហេតុអគ្គិភ័យ ឆាបឆេះក្លឹបកម្សាន្តមួយកន្លែងនៅទីក្រុងបាងកក។ នេះបើតាមរបាយការណ៍បឋមរបស់អាជ្ញាធរថៃ។ អភិបាលក្រុងបាងកក លោក ឆាដឆាត សិទ្ធីផុន (Chadchart Sittipunt) ឱ្យដឹងថា អគ្គិភ័យបានឆេះយ៉ាងសន្ធោសន្ធៅ និងបានរាលដាលយ៉ាងខ្លាំងទៅលេបត្របាក់ក្លឹបកម្សាន្តនោះត្រឹមតែប្រមាណ ៣០នាទីប៉ុណ្ណោះ។ យ៉ាងណាក៏ដោយ អាជ្ញាធរថៃបានបើកការស៊ើបអង្កេតលើករណីនេះ។
Author: ភ្នំពេញប៉ុសិ៍្ត
គ្មានកំណើនប្រជាជន ជាប្រធានបទដ៏គួរឱ្យព្រួយបារម្ភខ្លាំង សម្រាប់ថ្នាក់ដឹកនាំរដ្ឋាភិបាលប៊ូតង់។ ប្រឈមនឹងវិបត្តិដែលកំពុងកើតមានដោយជាក់ស្តែងនេះ នាយករដ្ឋមន្ត្រីប៊ូតង់ បានទាញសញ្ញាអាសន្ន និងប្រកាសផែនការផ្តល់សន្ទុះកំណើត ជំរុញឱ្យបង្កើត “កូនលើសពីបីនាក់”។
តើសង្គ្រាមនៅមជ្ឈិមបូព៌ា កំពុងឆេះអណ្តាតភ្លើងឡើងវិញឬ? ព្រឹកថ្ងៃទី១២កក្កដានេះ អ៊ីរ៉ង់បានប្រកាសបិទខ្ទប់ច្រកសមុទ្រអកមូហ្សទាំងស្រុង បន្ទាប់ពីកងទ័ពអាមេរិកបានបើកការវាយប្រហារទៅលើគោលដៅ ១៤០ចំណុច នៅភាគខាងត្បូងអ៊ីរ៉ង់។ យ៉ាងហោចណាស់ មាននាវាដឹកទំនិញចំនួន២គ្រឿង ត្រូវបានអ៊ីរ៉ង់វាយប្រហារចំ ដើម្បីរារាំងមិនឲ្យឆ្លងកាត់ច្រកអូកមូហ្ស។ ហ្សកដានី បារ៉ែន កាតា និងអេមីរ៉ាតអារ៉ាប់រួម សុទ្ធតែបានអះអាងថា បានរងនូវការវាយប្រហារផ្លូវអាកាសសាជាថ្មី ពីសំណាក់អ៊ីរ៉ង់។
អតីតប្រមុខដឹកនាំកាតា ពីឆ្នាំ១៩៩៦-២០១៣ អេមៀ ស្ហេក ហាម៉ាដ បេន ខាលីហ្វា អាល់ថានី ដែលបានដឹកនាំរាជាណាចក្រតាកា ឱ្យក្លាយជាប្រទេសមានបាននិងលេចមុខលើឆាកអន្តរជាតិ បានស្លាប់ក្នុងជន្មាយុ៧៤ឆ្នាំ។ នេះបើតាមសេចក្តីប្រកាសរបស់រដ្ឋាភិបាលតាកានៅថ្ងៃអាទិត្យទី១២កក្កដា២០២៦។
ថ្ងៃសោរ៍ទី១១កក្កដា ទីភ្នាក់ងារអវកាសជប៉ុន បានប្រកាសដំណឹងល្អមួយ ស្តីពីការសាកល្បងបានជោគជ័យ នូវយានគម្រូថ្មីមួយ ដែលអាចហោះឡើង ហើយហោះចុះមកវិញបាន ដើម្បីប្រើប្រាស់សាជាថ្មីទៀត។ ដំណើរឆ្ពោះទៅរកបច្ចេកវិទ្យានេះ ដែលបច្ចុប្បន្នមានតែយានរបស់ Space X មួយគត់ដែលអាចធ្វើបាន គឺនឹងអនុញ្ញាតឲ្យបេសកកម្មអវកាសជប៉ុន អាចសន្សំថវិកាបានច្រើន។
នៅថ្ងៃសៅរ៍ទី១១កក្កដានេះ ប្រមុខដឹកនាំកំពូលអ៊ីរ៉ង់ ម៉ូតាបា ខាមេណី បានអះអាងថា មិនអាចចៀសមិនសងសឹក ឱ្យឪពុកជាអតីតអាយ៉ាតូឡាដែលបានស្លាប់ដោយការបាញ់ប្លោងរបស់អាមេរិកនិងអ៊ីស្រាអែល ក្នុងថ្ងៃទីមួយនៃសង្គ្រាមនៅអ៊ីរ៉ង់ បានទេ។ អគ្គមគ្គុទេសក៍អ៊ីរ៉ង់ បញ្ជាក់ជំហរសងសឹក ដោយច្បាស់ៗ ចំពេលដែលលោកប្រធានាធិបតីអាមេរិក ដូណាល់ត្រាំ ស្រែកគំរាមថានឹងកម្ទេចអ៊ីរ៉ង់ទាំងស្រុង ប្រសិនបើអ៊ីរ៉ង់ប៉ុនប៉ងធ្វើឃាតលោក។
បន្ទាប់ពីរងគ្រោះដោយខ្យល់ព្យុះទីហ្វុងម៉ៃសាក់ ចិនកំពុងត្រៀមដោយភ័យបារម្ភជាមួយនឹងខ្យល់ព្យុះទីហ្វុងមួយទៀត ឈ្មោះ បាវី ដែលកំពុងតែរំកិលខ្លួនមកដល់។ អាជ្ញាធរចិនបានជម្លៀសមនុស្សប្រមាណជិត២លាននាក់ នៅតំបន់ខេត្តភាគខាងកើត ខណៈព្យុះទីហ្វុងនេះ កំពុងឆ្លងកាត់តៃវ៉ាន់ និងប្រជុំកោះភាគខាងត្បូងជប៉ុន។
នៅថ្ងៃសៅរ៍ទី១១កក្កដានេះ លោកនាយករដ្ឋមន្ត្រីឥណ្ឌា ណារិនដ្រា ម៉ូឌី បានបញ្ចប់ដំណើរទស្សនកិច្ចមួយជុំក្នុងតំបន់អាស៊ីប៉ាស៊ីហ្វិក នៅប្រទេសនូវែលហ្សេឡង់។ អញ្ជើញទៅដល់នូវែលហ្សេឡង់ជាលើកទីមួយ លោកម៉ូឌី បានប្រកាសចាត់ទុកនូវែលហ្សេឡង់ ជាដៃគូយុទ្ធសាស្ត្រ។ មុននេះមួយថ្ងៃ ក្នុងទស្សនកិច្ចនៅប្រទេសអូស្ត្រាលី ប្រមុខរដ្ឋាភិបាលឥណ្ឌាបានចុះហត្ថលេខាលើកិច្ចព្រមព្រៀងសម្រួលការនាំចេញសារធាតុអ៊ុយរ៉ានីញ៉ូមពីអូស្រ្តាលីទៅឥណ្ឌា។
នៅថ្ងៃសុក្រទី១០កក្កដា២០២៦នេះ ហ្វីលីពីនបានប្រកាសចា្រនចោល សេចក្តីថ្លែងការណ៍របស់ក្រុមអ្នកជំនាញចិន ទាក់ទងនឹងបូរណភាពប្រជុំកូនកោះ នៅក្នុងសមុទ្ទចិនខាងត្បូង។ បើតាមក្រុមបញ្ញាវន្តចិនទាំងអស់នោះ ក្រុមកោះបាតាណេ (Batanes) ដែលស្ថិតនៅចុងខាងជើងបំផុតនៃប្រទេសហ្វីលីពីន ជាដែនកោះរបស់ចិន។
ថ្ងៃ ព្រហស្បតិ៍ ទី ៩ ខែ កក្កដា វិមានក្រេមឡាំងបានថ្លែងបញ្ជាក់ថា ការដែលអ៊ុយក្រែនសម្រុកវាយប្រហារខ្លាំងមកលើរុស្ស៊ី គឺនឹងធ្វើឲ្យសង្គ្រាមកាន់តែ អូសបន្លាយ យូរទៅមុខទៀត ។ ការលើកឡើងដូច្នេះ ធ្វើឡើងបន្ទាប់ពី ប្រធានាធិបតីអាមេរិក លោក ដូណាល់ ត្រាំ បានបញ្ចេញយោបល់ថា ការបង្កើនសន្ទុះវាយប្រហារពីសំណាក់អ៊ុយក្រែន នឹងអាចជំរុញឲ្យរុស្ស៊ី សុខចិត្តចរចា ដើម្បីបញ្ចប់សង្គ្រាម ។