មន្ត្រីរាជការថៃជាង៥ពាន់នាក់ អាចនឹងត្រូវព្យូរពីការងារ និងតួនាទី ដោយហេតុមានរឿងអាស្រូវពុករលួយ និងលួចបន្លំនៅពេលប្រលងចូល។ នេះបើតាមការអះអាងរបស់អាជ្ញាធរ នៅថ្ងៃព្រហស្បតិ៍ទី១៦កក្កដា ដោយបញ្ជាក់ថាបានចាប់ខ្លួនជនជាប់សង្ស័យបីនាក់ ក្នុងសំណុំរឿងនេះ។
Author: ភ្នំពេញប៉ុសិ៍្ត
នៅអ៊ុយក្រែន យុវជនច្រើនពាន់នាក់ ប្រមូលផ្តុំគ្នាធ្វើបាតុកម្ម តាមបណ្តាទីប្រជុំជន ទោះបីជាត្រូវប្រឈមនឹងការវាយប្រហាររបស់ទ័ពរុស្ស៊ី យ៉ាងណាក្តី។ បាតុកម្មនេះ ប្រឆាំងនឹងការដកតំណែងរដ្ឋមន្ត្រីការពារជាតិដ៏មានប្រជាប្រិយភាព និងជាអ្នកជំរុញដ៏ចម្បងឲ្យទ័ពអ៊ុយក្រែនសម្រុកប្រើដ្រូនចម្បាំង។ រដ្ឋមន្ត្រីវ័យក្មេងរូបនេះ មានទំនាស់ជាមួយមេបញ្ជាការកងទ័ព ដែលបណ្តាលឲ្យត្រូវរុះរើរដ្ឋាភិបាលថ្មី។ ដោយមិនកាន់ជើងខាងណាមួយ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡេនស្គី បានអំពាវនាវឲ្យ«រួបរួមជាតិ»។
ជនជាតិដើមភាគតិចរ៉ូហ៊ីងយ៉ានៅភូមា ចំនួនជាង ៥០០ នាក់ ប្រឈមនឹងការបាត់បង់ជីវិត នៅក្នុងសមុទ្រឥណ្ឌា បន្ទាប់ពីក្រឡាប់ទូក កាលពីពេលថ្មីៗកន្លងទៅ។ នេះបើតាមសេចក្តីប្រកាសរួមគ្នារបស់ឧត្តមស្នងការដ្ឋានអង្គការសហប្រជាជាតិទទួលបន្ទុកជនភៀសខ្លួន (HCR) និងអង្គការអន្តរជាតិដើម្បីជនអន្តោប្រវេសន៍ (OIM)។ ក្រៅពីសម្តែងក្តីព្រួយបារម្ភជាខ្លាំង ស្ថាប័នអង្គការអន្តរជាតិទាំង២នេះក៏បានអំពាវនាវឲ្យបណ្តាប្រទេសក្នុងតំបន់អាស៊ី និងអន្តរជាតិជួយរកមធ្យោបាយដើម្បីជួយសង្គ្រោះជនភៀសខ្លួនរ៉ូហ៊ីងយ៉ា។
សភាបារាំងបានអនុម័តនៅថ្ងៃពុធទី១៥កក្កដា២០២៦ ច្បាប់ជួយបញ្ចប់ជីវិត ដែលផ្តល់សិទ្ធិឱ្យអ្នកមានជំងឺធ្ងន់ធ្ងរខ្លាំងប្រុងស្លាប់និងលែងមានមធ្យោបាយព្យាបាលជា សុំអស់ជីវិត ដោយថ្លៃថ្ងូរ។ តែដំណើរបែបបទនិងលក្ខខណ្ឌសុំបញ្ចប់ជីវិតមានច្រើន។
ការចាក់ថ្នាំបង្ការកុមារនៅលើពិភពលោក បានប្រសើរឡើងបន្តិចនៅឆ្នាំ២០២៥ បើប្រៀបទៅនឹងឆ្នាំ២០២៤។ ប៉ុន្តែការកាត់បន្ថយជំនួយអន្តរជាតិ ជម្លោះប្រដាប់អាវុធ និងការផ្សព្វផ្សាយព័ត៌មានមិនពិត កំពុងធ្វើឱ្យពិភពលោកប្រឈមនឹងគ្រោះថ្នាក់ មានជំងឺឆ្លងរាតត្បាត កើតឡើងវិញ ព្រោះអត្រាចាក់ថ្នាំបង្ការមិនដល់កំរិត។ នេះបើតាមរបាយការណ៍របស់អង្គការសហប្រជាជាតិ ចេញផ្សាយនៅថ្ងៃពុធទី១៥កក្កដា២០២៦។
សហភាពអឺរ៉ុប បានចុះកិច្ចព្រមព្រៀងផលិតដ្រូនចម្បាំងរួមគ្នាជាមួយ អ៊ុយក្រែន។ តាំងពីសង្គ្រាមរុស្ស៊ីឈ្លានពានអ៊ុយក្រែន នៅដើមឆ្នាំ២០២២មក អ៊ុយក្រែនបានសម្រួចបច្ចេទេស រហូតក្លាយជាអ្នកជំនាញយ៉ាងប៉ិនប្រសប់ខាងផលិតដ្រូនចម្បាំង។ សហភាពអឺរ៉ុប ចង់យកជំនាញរបស់អ៊ុយក្រែននេះ ដើម្បីវិនិយោគជំរុញឧស្សាហកម្មយោធា ព្រមទាំង ជួយការពារសន្តិសុខរួម ផង។
ក្រុមប្រដាប់អាវុធនៅស៊ូដង់ ពឹងផ្អែកហិរញ្ញវត្ថុដើម្បីបន្តធ្វើសង្គ្រាមរ៉ាំរ៉ៃ តាមរយៈការក្តោបក្តាប់ និងចម្រាញ់ធនធានធម្មជាតិ ក្នុងតំបន់ដែលពួកគេកាន់កាប់។ នេះបើតាម អង្គការសហប្រជាជាតិ ដោយអំពាវនាវឲ្យបណ្តារដ្ឋាភិបាលផ្សេងទៀត ត្រូវយកចិត្តទុកដាក់ទប់ស្កាត់។ ទន្ទឹមនឹងគ្នានេះ សហភាពអឺរ៉ុប ក៏បានសម្រេចដាក់ទណ្ឌកម្មទៅលើអាជីវកម្មមាស ដែលមានប្រភពមកពី ស៊ូដង់។
យោធាអ៊ីរ៉ង់បានប្រកាសនៅថ្ងៃពុធទី ១៥កក្កដា ថាមានទាហាន៧នាក់បានស្លាប់នៅក្នុងការវាយប្រហាររបស់អាមេរិក លើតំបន់ភាគអាគ្នេយ៍នៃប្រទេស។ ក្រុងកំពង់ផែអ៊ីរ៉ង់ដែលមានមជ្ឈមណ្ឌលនុយក្លេអ៊ែរស៊ីវិលតាំងនៅ ក៏រងការដៅវាយប្រហារ ពីសំណាក់អាមេរិកដែរ។ ទន្ទឹមនឹងការវាយប្រហារយ៉ាងសន្ធាប់ជាថ្មី ជាគម្រប់បួនថ្ងៃជាប់គ្នា អាមេរិកបានប្រកាសបិទខ្ទប់កំពង់ផែអ៊ីរ៉ង់នៅច្រកអកមូហ្សជាថ្មី។ ចំណែកអ៊ីរ៉ង់បានបាញ់ប្រហារសងសឹកវិញដល់មូលដ្ឋានទ័ពអាមេរិកនៅហ្សកដានី។
លោកដូណាល់ ត្រាំ ធ្លាប់បានប្រកាសថា តុលាការព្រហ្មទណ្ឌអន្តរជាតិ ដែលស្ថិតនៅទីក្រុងឡាអេ គ្មានអំណាចអ្វីមកស៊ើបអង្កេត ឬចោទប្រកាន់មកលើជនជាតិអាមេរិកឡើយ។ ស្ថិតក្នុងន័យនេះ លោករដ្ឋមន្ត្រីការបរទេសអាមេរិក ម៉ាកូ រូប៊ីយ៉ូ បានលើកឡើងកាលពីថ្ងៃចន្ទកន្លងទៅថា សហរដ្ឋអាមេរិកនឹងចាប់ផ្តើមវិធានការទណ្ឌកម្មទៅលើតុលាការព្រហ្មទណ្ឌអន្តរជាតិ ព្រោះតុលាការនេះគំរាមអធិបតេយ្យភាពរបស់សហរដ្ឋអាមេរិក។
អតីតអ្នកទទួលខុសត្រូវនយោបាយនៅស៊ីនជាំងដែលជាតំបន់ដ៏រសើបបំផុតត្រូវបានបណ្តេញចេញពីជួរបក្សកុម្មុយនិស្ត និងទម្លាក់ចេញពីតួនាទីផ្លូវការទាំងអស់ក្នុងបទពុករលួយ។ នេះតាមបើតាមសារព័ត៌មានរដ្ឋចេញផ្សាយនៅថ្ងៃអង្គារទី ១៤កក្កដា ដោយលម្អិតថា អតីតបុរសខ្លាំងស៊ីនជាំងរូបនេះបានទទួលសំណូកជាទឹកប្រាក់ និងមានទំនាក់ទំនងផ្លូវភេទ។