ឥទ្ធិពល និងភាពជោគជ័យនៃការប្រកួតបាល់ទះពានរង្វាន់ «តេជោលីគ» រដូវកាល ឆ្នាំ ២០២៥-២០២៦ បានក្លាយជាស្ពានដ៏សំខាន់មួយ ក្នុងការសម្រិតសម្រាំងបាននូវកីឡាករ ដែលមានគុណភាពដ៏ពិតប្រាកដ សម្រាប់ចូលរួមការប្រកួតបាល់ទះជើងឯកអាស៊ាន (Sea V-League) ហើយនេះជាក្តីសង្ឃឹមថ្មី សម្រាប់ក្រុមតំណាងឱ្យកម្ពុជាមួយនេះ ក្នុងការប្រជែងយកលទ្ធផលល្អ ជាមួយពិន្ទុច្រើន ដើម្បីអាចមានឱកាសបានឡើងទៅលេងពានកម្រិតអាស៊ី AVC Men’s Volleyball Continental Championship។ បើទោះបីជាការប្រកួត Sea V-League ឆ្នាំ ២០២៥ ក្រុមជម្រើសជាតិកម្ពុជា បានឈរនៅលេខ៥ចុងក្រោយ ដោយបានចាញ់ទាំង៨លើក ក្នុងការប្រកួតទាំង២ជុំ ប៉ុន្តែតាមរយៈការប្រកួតប្រជែងជាមួយកីឡាករបរទេសមកពីចម្រុះជាតិសាសន៍ ក្នុងព្រឹត្តិការណ៍ «តេជោលីគ» ដែលទើបបានបញ្ចប់ កាលពីថ្ងៃទី ៣ ខែកក្កដា បានក្លាយជាក្តីសង្ឃឹមថ្មី សម្រាប់សហព័ន្ធកីឡាបាល់ទះកម្ពុជា ក្នុងការសម្រិតសម្រាំងបានកីឡាករល្អៗ ដើម្បីចូលរួមនឹងក្រុមជម្រើសជាតិ ត្រៀមការប្រកួត Sea V-League នៅឆ្នាំនេះ។ លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បានឱ្យដឹងថា ចំណុចតែមួយគត់ ដែលធ្វើឱ្យ «តេជោលីគ» រដូវកាលទី៣នេះ មានការផ្ទុះ និងកក្រើកខ្លាំង គឺដោយសារយើងបាននាំយកកីឡាករបរទេសមានកម្រិតខ្ពស់មកចូលរួមប្រកួតប្រជែងជាមួយកីឡាករក្នុងស្រុក។ លោកបញ្ជាក់ថា៖ «នៅពេលយើងមានកីឡាករបរទេសកម្រិតខ្ពស់ៗ មកពីប្រភពច្រើនកន្លែង អ្វីដែលចំណាយគឺអត្តពលិកកម្ពុជាយើង ហើយនេះជាចេតនារបស់សហព័ន្ធ ដោយយើងចង់បានគុណផលក្រុមជម្រើសជាតិឱ្យខ្ពស់។ បើយើងលេងតែកីឡាករក្នុងស្រុក កម្រិតគុណផលរបស់ជម្រើសជាតិយើង មិនអាចកើនឡើងទេ។ ជាក់ស្តែងបច្ចុប្បន្ន យើងឃើញថា កីឡាករយើងមួយចំនួន គាត់មានលទ្ធភាពគ្រប់គ្រាន់ ក្នុងការលេងជាមួយកីឡាករ ដែលមានរបាំងធំ»។ តាមរយៈការប្រកួត «តេជោលីគ» រដូវកាលទី៣ ឆ្នាំ ២០២៥-២០២៦នេះ ក្រុមបញ្ជាការដ្ឋានអង្គរក្ស បានបន្តឈ្នះជើងឯកជាលើកទី៣ និងបានយកពាននេះផ្តាច់តែម្តង បន្ទាប់ពីពួកគេ បានយកឈ្នះក្រុមវិសាខា ៣-០ នៅវគ្គផ្តាច់ព្រ័ត្រ នៅក្នុងវិមានពហុកីឡដ្ឋានជាតិអូឡាំពិក កាលពីថ្ងៃទី ៣ ខែកក្កដា រីឯក្រុមស្នងការនគរបាលខេត្តស្វាយរៀង បានយកឈ្នះក្រុមស្នងការនគរបាលរាជធានីភ្នំពេញ ៣-២ ដើម្បីទទួលបានចំណាត់ថ្នាក់លេខ៣។ ជាមួយនេះ កីឡាកររបស់ក្រុមទាំង៤ខាងលើ ត្រូវបានគេមើលឃើញថា អាចមានភាគរយច្រើន…
Author: ngochecktay
ព្រះសីហនុៈ ក្រសួងបរិស្ថានបានសម្រេចបិទទីលានចាក់សំរាមនៃរោងចក្រកែច្នៃសំណល់បន្លាស់យានយន្តចាស់ បរិក្ខារអេឡិចត្រូនិក និងអគ្គិសនីរបស់ក្រុមហ៊ុន Mi Ner Va Investment បន្ទាប់ពីបានរកឃើញការបង្កផលប៉ះពាល់ទឹកអូរធម្មជាតិ និងបណ្តាលឱ្យមានត្រីងាប់ នៅក្នុងឃុំកំពេញ ស្រុកស្ទឹងហាវ ខេត្តព្រះសីហនុ នាពេលថ្មីៗនេះ។ ក្រសួងបរិស្ថានបានឱ្យដឹងថា ក្រុមការងារអធិការកិច្ចនៃក្រសួងបរិស្ថាន ដោយមានការចូលរួមពី មន្ទីរបរិស្ថានខេត្តព្រះសីហនុ មន្រ្តីរដ្ឋបាលឃុំកំពេញ និងរដ្ឋបាលស្រុកស្ទឹងហាវ បានចុះត្រួតពិនិត្យ ករណីបង្កឲ្យមានត្រីចិញ្ចឹមរបស់ប្រជាពលរដ្ឋងាប់ កាលពីថ្ងៃទី៥ ខែកក្កដា ឆ្នាំ២០២៦។ ក្នុងការចុះពិនិត្យជាក់ស្តែងនោះ ក្រុមការងារបានរកឃើញថា ការចាក់សំណល់រឹងឧស្សាហកម្ម ដែលប្រតិបត្តិដោយក្រុមហ៊ុន Mi Ner Va Investment Co., Ltd. លើទីតាំងទុកដាក់សំរាមមួយកន្លែងនៅក្នុងមូលដ្ឋានស្រុកស្ទឹងហាវបានបង្កការប៉ះពាល់ដល់អូរធម្មជាតិ និងជាមូលហេតុបណ្តាលឱ្យមានបញ្ហាត្រីងាប់នោះ។ ការបង្កផលប៉ះពាល់នេះ គឺដោយសារតែ ការរៀបចំទីតាំងទុកសំរាមនោះពុំសមស្របតាមលក្ខណៈបច្ចេកទេសបរិស្ថាន ដែលបណ្តាលឱ្យមានសំណល់រាវលេចចេញ។ មន្រ្តីជំនាញក្រសួងបរិស្ថាន បានសហការជាមួយរដ្ឋបាលស្រុកស្ទឹងហាវ ចាត់វិធានការបញ្ឈប់ការចាក់សំណល់ គ្រប់ប្រភេទនៅទីតាំងនោះ ចាប់ពីថ្ងៃទី៥ ខែកក្កដានេះតទៅ ដោយត្រូវបង្វែរទៅចាក់នៅទីតាំងផ្សេងវិញ ដែលមានការអនុញ្ញាតត្រឹមត្រូវ។ ដើម្បីទប់ស្កាត់ការបំពុលបរិស្ថាន ជាបន្តទៀត ក្រុមការងារ បានបន្តអនុវត្តវិធានការច្បាប់ ដោយតម្រូវឱ្យពិន័យអន្តរការណ៍ចំពោះក្រុមហ៊ុន Mi Ner Va Investment ចំពោះការប្រមូលសំណល់រឹងស្សាហកម្ម យកទៅចាក់នៅទីតាំងនោះ ដែលបង្កឲ្យមានបញ្ហាបំពុលបរិស្ថាន និងត្រីងាប់ ព្រមទាំងតម្រូវឲ្យផ្តល់សំណងការខូចខាតដោយផ្ទាល់ និងដោយប្រយោល រួមនឹងការស្តារបរិស្ថានឡើងវិញផងដែរ។ ក្រុមការងារក៏បានយកសំណាកទឹកនៅទីតាំងនោះទៅធ្វើការពិនិត្យបន្ថែម នៅមន្ទីរពិសោធន៍របស់ក្រសួងបរិស្ថាន ដើម្បីតាមដាន ប៉ារ៉ាមែត្រនៃសាធាតុបំពុលទឹកបន្ថែមទៀតផងដែរ។ MI NER VA INVESTMENT គឺជាក្រុមហ៊ុន វិនិយោគលើគម្រោងបង្កើតរោងចក្រកែច្នៃសំណល់ពីគ្រឿងបន្លាស់យានយន្តចាស់ បរិក្ខារអេឡិចត្រូនិក និងអគ្គិសនី ព្រមទាំងសំណល់ឧស្សាហកម្ម ដែលមានទីតាំងស្ថិតនៅស្រុកស្ទឹងហាវ ខេត្តព្រះសីហនុ។ ក្រុមហ៊ុនត្រូវបានអនុញ្ញាតឱ្យបង្កើតរោងចក្រកែច្នៃកាកសំណល់នេះក្នុងគម្រោងទុនវិនិយោគប្រមាណជា ៣០០លានដុល្លារសហរដ្ឋអាមេរិក៕
ក្រុមហ៊ុន Banjaran Asset Management (Cambodia) PLC បានចុះកិច្ចព្រមព្រៀងភាពជាដៃគូយុទ្ធសាស្ត្រជាមួយនឹងក្រុមហ៊ុន ACLEDA Securities Plc, ក្រុមហ៊ុន Forte General Insurance Plc និងក្រុមហ៊ុន Forte Life Assurance Plc ក្នុងគោលបំណងរួមគ្នាជំរុញការអភិវឌ្ឍ និងការរីកចម្រើននៃទីផ្សារហិរញ្ញវត្ថុកម្ពុជា។ ពិធីចុះហត្ថលេខាត្រូវបានធ្វើឡើងក្នុងថ្ងៃទី៦ ខែកក្កដា ឆ្នាំ២០២៦ នៅទីស្នាក់ការរបស់ក្រុមហ៊ុន ACLEDA Securities Plc ដោយមានការចូលរួមពីថ្នាក់ដឹកនាំក្រុមហ៊ុនទាំង ៤ អ្នកពាក់ព័ន្ធក្នុងវិស័យហិរញ្ញវត្ថុ និងជាពិសេសវត្តមានរបស់លោក John Sim សមាជិកក្រុមប្រឹក្សាភិបាលរបស់ Banjaran AMC ដែលមានមូលដ្ឋាននៅប្រទេសសិង្ហបុរី។ សេចក្តីប្រកាសព័ត៌មានរួមរបស់ស្ថាប័នទាំង ៤ បានឱ្យដឹងថា ចំណុចស្នូលនៃកិច្ចសហការនេះ គឺមូលនិធិ BAMC Asia Equity Fund(BAEF) ដែលជាផលិតផលវិនិយោគដ៏សំខាន់មួយ និងបានបង្កើតប្រវត្តិសាស្ត្រចំនួនបីសម្រាប់កម្ពុជា ដែលរួមមាន ១. មូលនិធិវិនិយោគរួម(Collective Investment Scheme – CIS) ដំបូងគេដែលត្រូវបានផ្តល់ជូនជាសាធារណៈនៅកម្ពុជា, ២. មូលនិធិដែលបានបង្កើត និងចុះបញ្ជីនៅកម្ពុជាដំបូងបង្អស់ដែលវិនិយោគទៅទីផ្សារអន្តរជាតិ (តំបន់អាស៊ី-ប៉ាស៊ីហ្វិក [មិនរាប់បញ្ចូលប្រទេសជប៉ុន]) និង ៣. មូលនិធិកម្ពុជាដំបូងបង្អស់ដែលបានចុះបញ្ជីនៅលើប្រព័ន្ធព័ត៌មានហិរញ្ញវត្ថុ Bloomberg។ លោក Eric Loo នាយកប្រតិបត្តិ និងជាអគ្គនាយកប្រតិបត្តិ(CEO) ក្រុមហ៊ុន Banjaran Asset Management (Cambodia) PLC បាននិយាយថា៖«មូលនិធិនេះគឺជាអ្នកត្រួសត្រាយផ្លូវ។ ភាពជាដំបូងទាំង ៣ នេះបានឆ្លុះបញ្ចាំងពីការប្តេជ្ញាចិត្តរបស់យើងក្នុងការលើកកម្ពស់ស្តង់ដាវិស័យវិនិយោគនៅកម្ពុជា»។ មូលនិធិវិនិយោគបើកចំហនេះ ត្រូវបានដាក់ឱ្យដំណើរការក្នុងឆ្នាំ២០២៣ ដោយផ្តោតលើការបង្កើនតម្លៃដើមទុនក្នុងរយៈពេលមធ្យម និងវែង តាមរយៈការវិនិយោគក្នុងផលប័ត្រចម្រុះនៃក្រុមហ៊ុនដែលមានគុណភាពខ្ពស់ និងចុះបញ្ជីនៅលើផ្សារមូលបត្រនានាក្នុងតំបន់អាស៊ី-ប៉ាស៊ីហ្វិក ដោយមិនរាប់បញ្ចូលប្រទេសជប៉ុន។ ក្រោមកិច្ចព្រមព្រៀងភាពជាដៃគូថ្មីនេះ វិនិយោគិនដែលវិនិយោគក្នុង BAMC Asia Equity Fund នឹងទទួលបានការធានារ៉ាប់រងពីក្រុមហ៊ុន Forte Life Assurance និង…
ក្រុមអ្នកជំនាញវិស័យឡូជីស្ទីកនៅកម្ពុជា យល់ឃើញថា ប្រសិនបើរដ្ឋាភិបាលអាចប្រែក្លាយអតីតព្រលានយន្តហោះអន្តរជាតិភ្នំពេញដែលទុកចោលនាពេលនេះឱ្យក្លាយទៅជាមជ្ឈមណ្ឌលភស្ដុភារកម្មប្រចាំតំបន់ គឺវានឹងផ្តល់ផលវិជ្ជមានច្រើនសម្រាប់ជំរុញកំណើនសេដ្ឋកិច្ចជាតិ។ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ ៧ ចាប់ពីរង្វង់មូលស្គន់-ដល់រង្វង់មូលស្ពានគីហ្សូណា ខេត្តកំពង់ចាម នាព្រឹកថ្ងៃទី៧ ខែកក្កដា នេះ លោកនាយករដ្ឋមន្ត្រី ហ៊ុន ម៉ាណែត បានលើកឡើងថា រាជរដ្ឋាភិបាលមានផែនការមេជាច្រើនលើគម្រោងវិនិយោគវិស័យហេដ្ឋារចនាសម្ព័ន្ធ និងឡូជីស្ទីក។ វិស័យនេះគឺជាផ្នែកដ៏សំខាន់ក្នុងការជំរុញសម្ទុះកំណើនសេដ្ឋកិច្ចជាតិ។ លោកបន្តថា នៅពេលនេះរដ្ឋាភិបាលកំពុងសិក្សាពីលទ្ធភាពនៃការរៀបចំអាកាសយានដ្ឋានអន្ដរជាតិភ្នំពេញឱ្យទៅជាមជ្ឈមណ្ឌលភស្ដុភារកម្មប្រចាំតំបន់ ដែលជាផ្នែកដ៏សំខាន់ក្នុងការតភ្ជាប់ចរាចរណ៍ទំនិញទៅកំពង់ផែអន្តរជាតិខេត្តព្រះសីហនុ។ លោកបានថ្លែងថា៖«ព្រលានយន្តហោះនៅភ្នំពេញ យើងកំពុងតែទាក់ទងរៀបចំធ្វើយ៉ាងណាដើម្បីបង្កើតជាមជ្ឈមណ្ឌលភស្ដុភារកម្មតំបន់ ប្រសិនបើអាចធ្វើទៅបាន។ ចំណែកកំពង់ផែសមុទ្រខេត្តព្រះសីហនុ យើងកំពុងកសាងប្លង់មេ(Master Plan) ដើម្បីឱ្យទៅជាមជ្ឈមណ្ឌលភស្ដុភារកម្មតំបន់។ អ៊ីចឹងទៅថ្ងៃក្រោយ តំបន់នេះគឺជាហេដ្ឋារចនាសម្ព័ន្ធទ្រង់ទ្រាយធំមានបំពាក់គ្រឿងកម្រិតខ្ពស់ ដើម្បីធានាភាពប្រកួតប្រជែង»។ លោក ម៉ាណែត បញ្ជាក់ទៀតថា ការអភិវឌ្ឍ និងរៀបចំប្លង់មេសម្រាប់ហេដ្ឋារចនាសម្ព័ន្ធដឹកជញ្ជូន គឺពិតជាមានសារៈសំខាន់ណាស់ក្នុងការចូលរួមចំណែកគាំទ្រកំណើនសេដ្ឋកិច្ចជាតិ និងជីវភាពរស់នៅរបស់ប្រជាជន ព្រោះផ្លូវបង្កើតក្តីសង្ឃឹម បង្កើតសកម្មភាពសេដ្ឋកិច្ច និងបង្កើតនូវសរសៃឈាមទៅចិញ្ចឹមនៅគ្រប់កន្លែងទាំងអស់។ អគ្គនាយកក្រុមហ៊ុន Linehaul Express (Cambodia) Co., Ltd និងជាអនុប្រធានសមាគមភស្តុភារកម្មកម្ពុជា លោក ស៊ិន ចន្ធី បានប្រាប់ភ្នំពេញប៉ុស្តិ៍ក្នុងថ្ងៃទី៧ ខែកក្កដា ថា គោលនយោបាយរបស់រាជរដ្ឋាភិបាលក្នុងការកាត់បន្ថយថ្លៃដើមដឹកជញ្ជូន និងឡូជីស្ទីក គឺពិតជាសំខាន់ក្នុងការគាំទ្រដល់ការជំរុញកំណើនសេដ្ឋកិច្ចជាតិ។ ផែនការប្រែក្លាយព្រលានយន្តហោះចាស់ដែលនៅទំនេរឱ្យទៅជាមជ្ឈមណ្ឌភស្ដុភារកម្មតំបន់ គឺជាការល្អ ព្រោះទីតាំងនេះជាចំណុចប្រសព្វនៃផ្លូវជាតិសំខាន់ៗពីបណ្តាខេត្តនានា ទៅកាន់កំពង់ផែសមុទ្រទឹកជ្រៅខេត្តព្រះសីហនុ។ លោកបានអះអាងថា៖«នេះជាផែនការមេដ៏ល្អសម្រាប់វិស័យដឹកជញ្ជូន និងឡីជីស្ទីក។ ខ្ញុំមានជំនឿថា ការងារនេះ(ការសិក្សារៀបចំព្រលានយន្តហោះអន្ដរជាតិភ្នំពេញឱ្យទៅជាមជ្ឈមណ្ឌលភស្ដុភារកម្មប្រចាំតំបន់) នឹងផ្តល់ផលចំណេញ និងភាពងាយស្រួលច្រើនដល់អ្នកវិនិយោគ ក៏ដូចជាអ្នកនៅក្នុងវិស័យដឹកជញ្ជូនតាមរយៈការធ្វើឱ្យតម្លៃដឹកជញ្ជូនទាបជាងមុន និងឆាប់រហ័សផងដែរ»។ លោកបន្តថា៖«ក្នុងនាមជាអ្នកនៅក្នុងវិស័យដឹកជញ្ជូន គឺខ្ញុំពិតជារីករាយដែលម្រមុខរាជរដ្ឋាភិបាលយកចិត្តទុកដាក់ខ្លាំងទៅលើវិស័យដឹកជញ្ជូន និងភស្តុភាកម្ម»។ បន្ថែមពីលើនេះ ប្រធានសមាគមពាណិជ្ជករដឹកជញ្ជូន ខ្សែច្រវាក់ផ្គត់ផ្គង់ និងភ្នាក់ងារជើងសានៅកម្ពុជា លោក ជា ចាន់ដារ៉ា និយាយថា ការកសាងមជ្ឈមណ្ឌលភស្ដុភារកម្មដ៏ធំនៅក្នុងរាជធានីភ្នំពេញ គឺពិតជានឹងនាំមកនូវផលចំណេញច្រើនសម្រាប់សេដ្ឋកិច្ចជាតិ ព្រោះហេដ្ឋារចនាសម្ព័ន្ធដឹកជញ្ជូនទៅកាន់ទីនោះ គឺមានរួចជាស្រេច និងល្អប្រសើរផងដែរ។ ការអភិវឌ្ឍមជ្ឈមណ្ឌលភស្ដុភារកម្មកម្រិតតំបន់ ក៏នឹងក្លាយជាចំណែកក្នុងការទាក់ទាញវិនិយោគិនអន្តរជាតិឱ្យចូលមកបណ្តាក់ទុននៅកម្ពុជាកាន់តែច្រើនផងដែរ។ លោកនិយាយថា៖«ផែនការរបស់រាជរដ្ឋាភិបាលពិតជាល្អ ព្រោះទីនោះនៅចំកណ្តាលរាជធានីភ្នំពេញដែលអាចមានសេវាកម្មចម្រុះគាំទ្រជាច្រើន»។ បើតាមលោកនាយករដ្ឋមន្ត្រី ក្រៅពីផែនការអភិវឌ្ឍន៍ខាងលើ រាជរដ្ឋាភិបាលកម្ពុជាក៏មានផែនការមេជាច្រើនទៀត ជាពិសេសេផែនការមេ ស្តីពី«ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣» ដោយរាជរដ្ឋាភិបាលនឹងអភិវឌ្ឍមូលដ្ឋានឡូជីស្ទីកសំខាន់ៗចំនួន ១១ ទីតាំងរួមមាន៖ ១.មជ្ឈមណ្ឌលឡូជីស្ទីកភ្នំពេញ,…
ព្រះករុណាព្រះបាទសម្តេចព្រះបរមនាថ នរោត្តម សីហមុនី ចូលរួមអបអរសាទរខួបជាប្រវត្តិសាស្ត្រ ១៨ឆ្នាំ នៃការចុះប្រាសាទព្រះវិហារក្នុងបញ្ជីបេតិកភណ្ឌពិភពលោក (៧ កក្កដា ២០០៨-៧ កក្កដា ២០២៦) ដែលប្រាសាទនេះជាសម្បត្តិវប្បធម៌ជាតិផងនិងជាបេតិកភណ្ឌពិភពលោកផង។ នៅក្នុងព្រះរាជសារ ចុះថ្ងៃទី៦ កក្កដានេះ ព្រះអង្គមានព្រះរាជបន្ទូលថា ការចុះបញ្ជីដោយយូណេស្កូនេះ ជួយថែរក្សានិងអភិរក្សប្រាសាទព្រះវិហារ ឱ្យបានស្ថិតស្ថេរគង់វង្សជារៀងរហូត នៅលើទឹកដីនៃព្រះរាជាណាចក្រកម្ពុជា។ ប្រាសាទព្រះវិហារ ដែលត្រូវបានកសាងដោយស្ដេចខ្មែរពីសតវត្សរ៍ ទី៩ដល់ទី១២ ធ្លាប់ត្រូវបានគ្រប់គ្រងដោយយោធាថៃ ហើយត្រូវបានតុលាការយុត្តិធម៌អន្តរជាតិ ICJ ប្រកាសឲ្យកម្ពុជាឈ្នះក្ដីដោយចៅក្រមក្នុងសំឡេង ៩ ទល់នឹង៣ កាលពីឆ្នាំ ១៩៦២។ ប៉ុន្តែ នៅពេលប្រាសាទនេះត្រូវបានចុះបញ្ជីបេតិកភណ្ឌពិភពលោករបស់យូណេស្កូ កាលពីថ្ងៃទី៧ ខែកក្កដា ឆ្នាំ២០០៨ មានការប៉ះទង្គិចគ្នារវាងថៃនិងកម្ពុជា ដោយសារតែការទាញយកផលចំណេញនយោបាយនៅក្នុងប្រទេសថៃ។ នៅខែធ្នូ ឆ្នាំ២០២៥ កន្លងទៅ ប្រាសាទនេះត្រូវរងការបាញ់កម្ទេចយ៉ាងដំណំ ដោយអាជ្ញាធរបានរកឃើញការខូចខាតរហូតដល់ ៥៦២កន្លែង ដែលបំផ្លាញកិច្ចខិតខំប្រឹងប្រែងអភិរក្សអស់រយៈពេល ១៨ឆ្នាំចាប់តាំងពីប្រាសាទនេះត្រូវបានចុះបញ្ជី។ ព្រះករុណាព្រះបាទសម្តេចព្រះបរមនាថ នរោត្តម សីហមុនី បានមានព្រះរាជបន្ទូលថា ក្រោយពីទទួលរងនូវការរំលោភបំពាន និងការគំរាមកំហែងយ៉ាងធ្ងន់ធ្ងរលើបូរណភាពទឹកដីពីសំណាក់បរទេស និងដោយផ្អែកតាមស្មារតីនៃរដ្ឋធម្មនុញ្ញនៃព្រះរាជាណាចក្រកម្ពុជា ព្រះអង្គកោតសរសើរ និងអរគុណដល់រាជរដ្ឋាភិបាល «ក្នុងការការពារ និងថែរក្សាប្រាសាទព្រះវិហារ ព្រមទាំងយុទ្ធសាស្ត្ររួមបញ្ចូលគ្នារវាងមនសិការស្នេហាជាតិនឹងផ្អែកលើច្បាប់អន្តរជាតិ ដើម្បីធានានូវសម្បត្តិបេតិកភណ្ឌដូនតាមួយនេះ ស្ថិតក្រោមអធិបតេយ្យភាពរបស់កម្ពុជាជានិរន្តរ៍ក្រោយពីជម្លោះតាមព្រំដែន»។ ព្រះអង្គក៏ថ្លែងនូវអំណរគុណនិងគាំទ្រកិច្ចខិតខំប្រឹងប្រែងយ៉ាងសកម្មរបស់រាជរដ្ឋាភិបាល គណៈកម្មាធិការសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រប្រាសាទព្រះវិហារ ICC/PREAH VIHEAR និងការថែទាំបន្ត ដែលដឹកនាំដោយសហប្រធានជាតំណាងនៃសាធារណរដ្ឋ ឥណ្ឌា និងសាធារណរដ្ឋប្រជាមានិតចិន ព្រមទាំងដៃគូកិច្ចសហប្រតិបត្តិការជាតិ-អន្តរជាតិទាំងអស់៕
ភ្នំពេញ៖ សហគ្រិនស្ត្រីនៅកម្ពុជា បានស្វាគមន៍ការបង្កើតមូលនិធិហិរញ្ញប្បទានបៃតងទំហំ ២០លានដុល្លារអាមេរិក សម្រាប់គាំទ្រការវិនិយោគលើបច្ចេកវិទ្យាប្រើប្រាស់ថាមពលប្រកបដោយប្រសិទ្ធភាព ប៉ុន្តែបានអំពាវនាវឱ្យរាជរដ្ឋាភិបាល និងស្ថាប័នហិរញ្ញវត្ថុបន្ធូរបន្ថយលក្ខខណ្ឌផ្តល់ឥណទាន ដោយលើកឡើងថា ឧបសគ្គជាក់ស្តែងជាច្រើននៅតែរារាំងសហគ្រាសដែលដឹកនាំដោយស្ត្រីពីការទទួលបានហិរញ្ញប្បទាន។ ក្នុងពិធីដាក់ឱ្យដំណើរការមូលនិធិបង្វិលសម្រាប់ប្រសិទ្ធភាពថាមពល (Energy Efficiency Revolving Fund – EERF) កាលពីថ្ងៃទី២ ខែកក្កដា តំណាងសមាគមសហគ្រិនស្ត្រីកម្ពុជា (Cambodia Women Entrepreneurs Association – CWEA) បានសាទរចំពោះការកំណត់កូតាគាំទ្រសហគ្រាសដែលគ្រប់គ្រង ឬដឹកនាំដោយស្ត្រី ខណៈក៏បានស្នើឱ្យស្ថាប័នពាក់ព័ន្ធកែលម្អនីតិវិធីផ្តល់ឥណទានឱ្យកាន់តែងាយស្រួល និងឆ្លុះបញ្ចាំងពីស្ថានភាពជាក់ស្តែងនៃការធ្វើអាជីវកម្មរបស់ស្ត្រី។ មូលនិធិនេះ ដែលទទួលបានការគាំទ្រពីធនាគារអភិវឌ្ឍន៍អាស៊ី (ADB) និងរាជរដ្ឋាភិបាលកម្ពុជា បានកំណត់គោលដៅឱ្យយ៉ាងហោចណាស់ ៣០ភាគរយ នៃសហគ្រាសទទួលបានការគាំទ្រ ជាសហគ្រាសដែលគ្រប់គ្រង ឬដឹកនាំដោយស្ត្រី។ សម្រាប់លោកស្រី យូ បូរី អនុប្រធានសមាគមសហគ្រិនស្ត្រីកម្ពុជា ការកំណត់កូតានេះ គឺជាជំហានវិជ្ជមានមួយក្នុងការដោះស្រាយបញ្ហាប្រឈមដ៏ធំបំផុតរបស់ស្ត្រីក្នុងវិស័យអាជីវកម្ម។ លោកស្រីថ្លែងថា៖ «ការទទួលបានហិរញ្ញប្បទាន នៅតែជាឧបសគ្គដ៏ធំបំផុតមួយសម្រាប់សហគ្រិនស្ត្រី។ យើងពិតជាស្វាគមន៍គំនិតផ្តួចផ្តើមនេះរបស់ ADB និងធនាគារ SME ជាពិសេសការកំណត់កូតាសម្រាប់សហគ្រិនស្ត្រី»។ សមាគមសហគ្រិនស្ត្រីកម្ពុជា មានសមាជិកសកម្មជាង ១ពាន់នាក់ ហើយតែងតែចាត់ទុកការទទួលបានហិរញ្ញប្បទានជាបញ្ហាប្រឈមដ៏សំខាន់ ដែលរារាំងសហគ្រាសរបស់ស្ត្រីពីការពង្រីកអាជីវកម្ម និងការវិនិយោគលើបច្ចេកវិទ្យាថ្មីៗ។ មូលនិធិថ្មីនេះ មានគោលបំណងជួយសហគ្រាសធុនតូច និងមធ្យម វិនិយោគលើម៉ាស៊ីន បរិក្ខារ និងប្រព័ន្ធប្រើប្រាស់ថាមពលប្រកបដោយប្រសិទ្ធភាព ដើម្បីកាត់បន្ថយការប្រើប្រាស់អគ្គិសនី និងថ្លៃដើមផលិតកម្ម។ ទោះជាយ៉ាងណា លោកស្រី យូ បូរី បានលើកឡើងថា សហគ្រាសជាច្រើនដែលដឹកនាំដោយស្ត្រី នៅតែពិបាកបំពេញលក្ខខណ្ឌទទួលបានឥណទាន។ លោកស្រីបានពន្យល់ថា អាជីវកម្មគ្រួសារជាច្រើននៅកម្ពុជា ត្រូវបានចុះបញ្ជីក្នុងឈ្មោះស្វាមី ប៉ុន្តែប្រពន្ធជាអ្នកគ្រប់គ្រងប្រតិបត្តិការប្រចាំថ្ងៃ រួមទាំងការគ្រប់គ្រងហិរញ្ញវត្ថុ បុគ្គលិក និងការលក់។ លោកស្រីបាននិយាយថា ស្ថានភាពបែបនេះអាចធ្វើឱ្យសហគ្រាសទាំងនោះ មិនត្រូវបានចាត់ទុកថាជាសហគ្រាសដែលគ្រប់គ្រង ឬដឹកនាំដោយស្ត្រី ទោះបីជាស្ត្រីជាអ្នកដឹកនាំអាជីវកម្មពិតប្រាកដក៏ដោយ។ លោកស្រីបានអំពាវនាវឱ្យអ្នកគ្រប់គ្រងគម្រោង ពិចារណាលើការដឹកនាំជាក់ស្តែងក្នុងអាជីវកម្ម ជាជាងផ្អែកតែលើឯកសារចុះបញ្ជីអាជីវកម្ម។ លោកស្រីក៏បានលើកឡើងពីការលំបាករបស់ស្ត្រីនៅលីវ និងស្ត្រីមេម៉ាយ ដែលជារឿយៗនៅតែត្រូវបានតម្រូវឱ្យមានអ្នកធានា នៅពេលស្នើសុំឥណទាន។ លោកស្រីបានបញ្ជាក់ថា៖ «លក្ខខណ្ឌទាំងនេះ បានបង្កើតឧបសគ្គដែលមិនចាំបាច់ សម្រាប់ស្ត្រីដែលចង់ពង្រីកអាជីវកម្មដោយខ្លួនឯង»។ ក្រៅពីបញ្ហាផ្នែកឯកសារ លោកស្រី យូ បូរី…
ភ្នំពេញ៖ កម្ពុជាបានប្រកាសនឹងផ្ដល់សច្ចាប័នលើពិធីសារសំខាន់មួយរបស់អង្គការសហប្រជាជាតិ ដែលនឹងធានាជាកាតព្វកិច្ចផ្លូវច្បាប់អន្តរជាតិមិនឱ្យមានការបង្កើតទោសប្រហារជីវិតនាពេលអនាគត ដោយពង្រឹងការលុបបំបាត់ទោសប្រហារជីវិតដែលមានជាងបីទសវត្សរ៍មកហើយ និងបញ្ជាក់ពីការប្តេជ្ញាចិត្តរបស់កម្ពុជាចំពោះការលើកកម្ពស់សិទ្ធិមនុស្សនៅលើឆាកអន្តរជាតិ។ ការប្រកាសនេះត្រូវបានធ្វើឡើងដោយលោក កើត រិទ្ធ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ ក្នុងអំឡុងសន្និសីទលើកទី៩ ស្ដីពីការប្រឆាំងទោសប្រហារជីវិត ដែលប្រព្រឹត្តទៅនៅទីក្រុងប៉ារីស ប្រទេសបារាំង ចាប់ពីថ្ងៃទី៣០ ខែមិថុនា ដល់ថ្ងៃទី២ ខែកក្កដា។ ក្នុងនាមជាប្រធានគណៈប្រតិភូក្រសួងយុត្តិធម៌ លោក កើត រិទ្ធ បានបញ្ជាក់ជាថ្មីពីការប្តេជ្ញាចិត្តរបស់រាជរដ្ឋាភិបាលក្នុងការរៀបចំនីតិវិធីផ្ដល់សច្ចាប័នលើ ពិធីសារបន្ថែមទី២ នៃកតិកាសញ្ញាអន្តរជាតិស្ដីពីសិទ្ធិពលរដ្ឋ និងសិទ្ធិនយោបាយ (ICCPR) ដែលជាលិខិតូបករណ៍អន្តរជាតិមានគោលបំណងលុបបំបាត់ទោសប្រហារជីវិតនៅទូទាំងពិភពលោក។ សន្និសីទនេះមានអ្នកចូលរួមប្រមាណ៧០០នាក់ រួមទាំងតំណាងជាន់ខ្ពស់មកពីប្រទេស និងអង្គការអន្តរជាតិចំនួន១៩ ខណៈលោក Emmanuel Macron ប្រធានាធិបតីបារាំង ក៏បានថ្លែងសុន្ទរកថាក្នុងវេទិកានេះផងដែរ។ យោងតាមក្រសួងយុត្តិធម៌ ការផ្ដល់សច្ចាប័នលើពិធីសារនេះ ស្របតាមរដ្ឋធម្មនុញ្ញកម្ពុជា និងការអនុវត្តជាក់ស្ដែងរបស់កម្ពុជាក្នុងការលុបបំបាត់ទោសប្រហារជីវិតចាប់តាំងពីឆ្នាំ១៩៨៩។ លោក កើត រិទ្ធ ត្រូវបានដកស្រង់សម្ដីក្នុងសេចក្ដីប្រកាសព័ត៌មានថា៖ «ការផ្ដល់សច្ចាប័នលើពិធីសារបន្ថែមទី២ គឺជាជំហានថ្មីមួយ ដែលស្របជាមួយនឹងរដ្ឋធម្មនុញ្ញកម្ពុជា និងការអនុវត្តនៅកម្ពុជាជាង៣ទសវត្សរ៍កន្លងមក»។ លោកបានបន្តថា៖ «ការផ្ដល់សច្ចាប័ននេះ ក៏ជាការប្តេជ្ញាចិត្តដ៏មោះមុតរបស់កម្ពុជានៅលើឆាកអន្តរជាតិ ចំពោះការលុបបំបាត់ទោសប្រហារជីវិត និងការលើកកម្ពស់សិទ្ធិមនុស្ស យុត្តិធម៌ និងសេចក្ដីថ្លៃថ្នូររបស់មនុស្សគ្រប់រូប»។ កម្ពុជាគឺជាប្រទេសមួយក្នុងចំណោមប្រទេសតែពីរប៉ុណ្ណោះនៅតំបន់អាស៊ីអាគ្នេយ៍ ដែលបានលុបចោលទោសប្រហារជីវិតទាំងស្រុង។ ទោសប្រហារជីវិតត្រូវបានលុបចោលជាលើកដំបូងនៅឆ្នាំ១៩៨៩ ក្រោមរដ្ឋធម្មនុញ្ញនៃរដ្ឋកម្ពុជា មុនពេលត្រូវបានចែងជាអចិន្ត្រៃយ៍ក្នុងរដ្ឋធម្មនុញ្ញនៃព្រះរាជាណាចក្រកម្ពុជាឆ្នាំ១៩៩៣។ ក្រសួងយុត្តិធម៌បានបញ្ជាក់ថា ការហាមឃាត់ទោសប្រហារជីវិតដែលមានចែងក្នុងរដ្ឋធម្មនុញ្ញ ឆ្លុះបញ្ចាំងពីការឱ្យតម្លៃរបស់កម្ពុជាចំពោះសិទ្ធិរស់រានមានជីវិត និងសេចក្ដីថ្លៃថ្នូររបស់មនុស្ស ស្របតាមច្បាប់អន្តរជាតិ និងបរិបទប្រវត្តិសាស្ត្ររបស់ប្រទេស។ ក្រសួងបានបន្ថែមថា បទពិសោធន៍ដ៏ឈឺចាប់របស់កម្ពុជា ក្រោមរបបប្រល័យពូជសាសន៍ ដែលបានបណ្ដាលឱ្យមនុស្សរាប់លាននាក់បាត់បង់ជីវិត បានដើរតួនាទីយ៉ាងសំខាន់ក្នុងការកំណត់ជំហររបស់ប្រទេសប្រឆាំងនឹងទោសប្រហារជីវិត។ ក្រសួងបានកត់សម្គាល់ថា ការលុបបំបាត់ទោសប្រហារជីវិត បានក្លាយជាគោលការណ៍រដ្ឋធម្មនុញ្ញ មិនមែនគ្រាន់តែជាគោលនយោបាយរបស់រដ្ឋាភិបាលនោះទេ។ បន្ទាប់ពីកម្ពុជាបញ្ចប់ការផ្ដល់សច្ចាប័នលើពិធីសារនេះ កម្ពុជានឹងមានកាតព្វកិច្ចផ្លូវច្បាប់អន្តរជាតិ ដែលមិនអាចបង្កើតទោសប្រហារជីវិតឡើងវិញនាពេលអនាគតបានឡើយ។ វិធានការនេះនឹងបន្ថែមការធានាផ្នែកច្បាប់លើសពីរដ្ឋធម្មនុញ្ញ ដោយភ្ជាប់កម្ពុជាទៅនឹងកាតព្វកិច្ចអន្តរជាតិ ក្នុងការរក្សាជំហរលុបបំបាត់ទោសប្រហារជីវិតជារៀងរហូត។ ក្រសួងយុត្តិធម៌បានឱ្យដឹងថា ការសម្រេចចិត្តនេះបង្ហាញពីការបន្តចូលរួមរបស់កម្ពុជាជាមួយយន្តការសិទ្ធិមនុស្សអន្តរជាតិ ព្រមទាំងពង្រឹងការប្តេជ្ញាចិត្តក្នុងការការពារសិទ្ធិរស់រានមានជីវិត។ ប្រទេសហ្វីលីពីន ដែលជាប្រទេសមួយទៀតនៅតំបន់អាស៊ីអាគ្នេយ៍ បានលុបចោលទោសប្រហារជីវិតនៅឆ្នាំ២០០៦ តាមរយៈការអនុម័តច្បាប់ Republic Act No. 9346 ដែលធ្វើឱ្យប្រទេសនេះ និងកម្ពុជា ក្លាយជាប្រទេសតែពីរប៉ុណ្ណោះនៅអាស៊ីអាគ្នេយ៍ ដែលបានលុបចោលទោសប្រហារជីវិតទាំងស្រុង។ ការប្រកាសរបស់កម្ពុជានេះ ធ្វើឡើងស្របពេលដែលប្រទេសជាច្រើនជុំវិញពិភពលោក នៅតែបន្តពិភាក្សាអំពីអនាគតនៃទោសប្រហារជីវិត ខណៈសន្និសីទនៅទីក្រុងប៉ារីស…
ខ្សែប្រយុទ្ធឆ្នើមអាមេរិក Folarin Balogun ដែលទទួលបានកាតក្រហមហើយតាមច្បាប់មិនអាចចូលប្រកួតបានទៀតនោះ នឹងមានវត្តមាននៅប្រកួតក្រោយសម្រាប់ក្រុមជម្រើជាតិសហរដ្ឋអាមេរិក ក្រោយពេលប្រធានាធិបតីសហរដ្ឋអាមេរិក លោក ដូណាល់ ត្រាំ បានធ្វើអន្តរាគមន៍ ដោយហៅទូរស័ព្ទទៅលោក Gianni Infantino ប្រធាន FIFA។ គេរំពឹងថា Balogun នឹងអាចចូលលេងក្នុងការប្រកួតទល់នឹងបែលហ្ស៊ិក ក្នុងវគ្គ ១៦ ក្រុមចុងក្រោយនៃពានរង្វាន់ World Cup នៅថ្ងៃចន្ទនេះម៉ោងនៅសហរដ្ឋអាមេរិក ត្រូវនឹងថ្ងៃអង្គារម៉ោងនៅកម្ពុជា។ Balogun ដែលជាអ្នករកគ្រាប់បាល់បានច្រើនជាងគេឱ្យអាមេរិកចំនួន ៣ គ្រាប់ ត្រូវបានបណ្តេញចេញពីទីលាន ក្នុងជ័យជម្នះ ២-០ លើក្រុមបូស្ន៊ី និងហឺហ្សេហ្គោវីណា កាលពីថ្ងៃពុធ ដោយសារគេបានជាន់លើ កជើងកីឡាករ Tarik Muharemović របស់បូស្ន៊ីដោយខុសបច្ចេកទេស។ អាជ្ញាកណ្តាលជនជាតិប្រេស៊ីល លោក Raphael Claus ដំបូងឡើយមិនបានពិន័យកាតនោះទេ ប៉ុន្តែបានបង្ហាញកាតក្រហមបន្ទាប់ពីពិនិត្យ VAR ដែលនាំឱ្យមានការព្យួរការប្រកួតដោយស្វ័យប្រវត្តិ។ លោក ត្រាំ បានទូរស័ព្ទទៅប្រធាន FIFA លោក Gianni Infantino បន្ទាប់ពីចប់ការប្រកួត ដើម្បីស្នើសុំឱ្យមានការពិនិត្យឡើងវិញ។ ក្រោយមក លោក ត្រាំ បានបង្ហោះសារអរគុណដល់ FIFA ចំពោះការ «កែប្រែភាពអយុត្តិធម៌ដ៏ធំធេងមួយ»។ នេះបើតាមទីភ្នាក់ងារព័ត៌មាន AP។ FIFA បានប្រកាសថា ខ្លួនកំពុងព្យួរការពិន័យនេះសម្រាប់រយៈពេលសាកល្បងមួយឆ្នាំ ក្រោមមាត្រា ២៧ នៃក្រមវិន័យរបស់ខ្លួន។ ប្រសិនបើ Balogun ប្រព្រឹត្តកំហុសស្រដៀងគ្នានេះក្នុងអំឡុងពេលនោះ ការព្យួរនឹងត្រូវយកមកអនុវត្ត។ នេះជាករណីទី២ហើយ បន្ទាប់ពីកីឡាករ Garrincha របស់ប្រេស៊ីលបានទទួលកាតក្រហមក្នុងព្រឹត្តិការណ៍ World Cup កាលពីឆ្នាំ១៩៦២ ហើយរូបគេនៅតែអាចចូលលេង World Cup បាន។ ខាងភាគីបែលហ្ស៊ិក ដែលនឹងលេងទល់ជាមួយអាមេរិកនៅថ្ងៃស្អែកនេះ បានប្រតិកម្មដោយកំហឹងយ៉ាងខ្លាំងដោយនិយាយថា ខ្លួនមានការ «ភ្ញាក់ផ្អើលយ៉ាងខ្លាំង» ហើយកំពុងស្វែងរកជម្រើសនានាដើម្បីការពារភាពយុត្តិធម៌ក្នុងការលេង (Fair Play)។ គ្រូបង្វឹក លោក Rudi Garcia បានចំអកចំពោះពេលវេលានៃការសម្រេចចិត្តនេះថា៖…